అనగనగా నంపాద అనే రాజ్యంలో రాజుగారి కోటని ఆనుకొని ఒక రావి చెట్టు ఉండేది. ఆ చెట్టు వద్ద కొన్ని ఎలుకలు నివసిస్తూ ఉండేవి. ఆ చెట్టుకి యజమానినని చెప్పుకొనే జగ్గు అనే ఎలక వీళ్ళ నాయకుడు. ఆ చెట్టు వద్ద ఎవరు నివసించటానికి వచ్చినా జగ్గుకి అద్దె కింద అవి సమకూర్చుకునే ఆహారంలో కొంత భాగం ఇవ్వాల్సిందే.

అదే చెట్టు మీద ఒక వడ్రంగి పిట్ట, ఒక ఉడత కూడా అద్దెకు నివసిస్తూ ఉండేవి. ప్రతిరోజూ ఈ వడ్రంగి పిట్ట, ఉడత, మిగిలిన ఎలకలూ వాటికి ఆహారం సమకూర్చుకొని అందులోనుంచి జగ్గూ వాటా జగ్గూకి ఇచ్చేసేవి. అలా జగ్గూ జీవితం ఎటువంటి చీకూచింతా లేకుండా చక్కగా కొనసాగుతుండేది. ఒకరోజు ఉడత ఆహారం వెతుకుతుండగా మహారాజుగారి భాండాగారానికి ముడిసరుకులు తీసుకువెళ్లే కొన్ని బళ్ళు కనిపించాయి. సైనికులు ఆహారం తరలించే ప్రక్రియలో రాలిపడ్డ కొన్ని బాదం పప్పులని ఉడత తిని,........